Kategorier

Naturens verden

Søndag 17. juni - Garden Oppheim i Hallingdal har vore i slekta i fleire hundre år, no satsar dei på sauer og lokalmatproduksjon. For å få sauerasen Valais Blacknose til Noreg, importerte dei befrukta egg og opererte dei inn i sauene sine. No har dei 5 lam! Desse skal bli livdyr, dei andre sauene blir til biffar og spekemat i splitter nye lokale på garden, og tørka og speka på loftet. Den 22. juni opnar turistforeiningshyttene for sommaren, og på dei største får fjellfolket servert heimelaga tradisjonsmat. Dagens art er rødknapp.

Friluftsmagasinet

16. juni - I dag er Friluftsmagasinet på tur med lærarar som skal læra. Dei skal bli tryggare på å vera ute i naturen, og målet er at dei skal ha elevane meir med ut i neste omgang. For dei fleste fag blir betre i naturen, meiner Karspar Skjulhaug frå Turistforeningen. Me og skal vera med Tove Fugelsnes på dugnad på Gjevilvasshytt ei veka før sesongstarten der...

Naturens verden

10. juni - Du kan dyrke grønsaker og urter både i hagen og på bybalkongen, og den beste jorda lagar du sjølv ved å kompostere avfallet ditt. Poteter kan du fint dyrke i sekkar, kvitløk og salatar er greie å få til, og jordskokk kan haustast om vinteren. I botanisk hage nyt vi sterke, gode lukter og fargeglade blomar på urter og medisinplanter. Men ver varsam med dei giftige... I skogen i Straumsnes har dei planta og bygd i hageparadiset sitt i 30 år. No har dei sju hus og stadig nye prosjekt. Dagens art er størje, som et seg opp på makrell før ho fer sørover for å gyte.

Friluftsmagasinet

9. juni - Friluftsmagasinet er i dag på topptur i særdeles turvant selskap, Morten Helgesen har vore på fleire toppar enn dei fleste, og tek oss med på Bitihorn, inngangen til Jotunheimen i dag, i lag med ein sprek gjeng ungdommar. Tove Fugelsnes er og på fjelltur i dag, men på noko meir tilrettelagt sti, nemleg sherpatrappene på Oterøya.

Naturens verden

3. juni - Det finst uendeleg mange forskjellige mosar i verda, dei er faktisk overalt. Vi går på skattejakt i skogen med sprayflaske. No står rhododendron og asalea i full blomst på Arboretet i Bergen, nokre av artane har landingsstriper for insekt i blomsten. Stiftelsen Det norske arboret har utvikla ein ny app til smarttelefon, der du kan finne ut kva tresortar du ser i naturen. På flytebrygga ved naustet på Frei står minkfella klar. 200 mink er tatt dei siste åra, og no kurrar ein stor flokk eafugl på vågen. Dagens art er soppmyggen, som sug blomsternektar med sin lange snabel.

Friluftsmagasinet

2. juni - Me ligg ute under åpen himmel saman med naturfotograf Sveinung Klyve, og kosar oss med naturens eigne akvarellar i malerisk sol og måneoppgang. Tove Fugelsnes er på minkjakt med uventa fangst, og me får høyra at ikkje alle jegrar er einige i opphevinga av blyforbodet for hagleammunisjon...

Naturens verden

27. mai - Indre delar av landet vårt, frå aust til nord, er i gang med vårflaumane. Langs heile kyststripa kjem flaumane om hausten. Både her til lands og i utlandet har ekstreme flaumar tatt menneskeliv og øydelagt for enorme verdiar opp gjennom historia. Klimaendringa gir auka varme, tørrare jord og meir regn i framtida. Det påverkar også flaumane, som kjem oftare og blir større. Plant krokus og la villblomane stå som mat for biene, på Smøla surrar dei over røsslyngheiene og lagar smakfull honning. Dagens art er havsule, som no er freda.

Friluftsmagasinet

26. mai - Det blir gjørsfiske i Leira, arktisk naturguiding på Svalbard, ørret i 100 vatn på Smøla og rypeforvalting i Agder i dagens Friluftsmagasin. Landet rundt med friluft og fangst, som kvar laurdag morgon på P1!

Naturens verden

13. mai - På Naustholmen i Steigen låg fiskebåtane tett og venta på fiskevêr i hardare tider. No er det stillheita som lokkar folk. Naturopplevingane står i kø både til sjøs og til fjells, og ved kaia står eit badstue-telt klart. På tur langs tangkledde sandstrender, lyng og skog på Naustholmen ser vi Lofotveggen og kjente landemerke bada i blånyansar. I Sunndal får vi høyre at tre, buskas og søppel blir sopa med av elvene og hamnar i havet. Dagens art er hoggorm, som er raudlista og kryr fram når varmen kjem.

Friluftsmagasinet

12. mai - I dag skal me på storskogen og la tankane fara. Me skal treffa ein kar som har hatt ein tung vinter og vår, men funne at skogen gjev både trøst, ro og tryggheit når ein treng å lufta vetet. Me skal og vandra langs ei stor elv, når Tove Fugelsnes ser på fiskesperra som er installert i Driva, for å få bukt med gyrodactylus salaris, lakseparasitten...

Naturens verden

6. mai - Vi er på bystranda i Bodø og ser utover kajakklubbens rike, der sjøen, øyene og fuglelivet gir full avkopling og rekreasjon. Kystlaget Salta har tatt ansvar for eit strandområde i Bodø som dei ryddar saman med Færingen 4H, kajakklubben og alle som vil vere med. Vi får også høyre om konsekvensane av at plastbitane i sjøen til slutt blir så små at dei kan gå inn i fiskens blod og hjerne. På Frei skal vi høyre at lamminga er i full gang, og bøndene må halde seg vakne og passe på at alt går som det skal. Med ultralyd finn bonden ut kor mange lam sauen skal ha, men ein må ikkje stole heilt på fosterteljinga. Dagens art er blekksprut, som er verdas største blautdyr og svært intelligent.

Fuglesang minutt for minutt

6. mai · Fuglesang over Europa - Ved Helge Søfteland.