Gáfestallan Lisain

Saia Stueng

Programinformasjon

Seriebeskrivelse

Dán diibmosaš podkásttas gulat journalistta ja tv-buvttadeaddji Lisa M Kristensena hupmame áigeguovdilis olbmuiguin eallima manuid birra. Podkásta báddejuvvo iditbeivviid podkásttaeamida gievkkanbeavdeguoras. Ja diehttalas, gáfegievdni ja mikrofuvnnat guovdu beavddi. Buvttadeaddji lea Lisa M Kristensen ja NRK Sápmi ja GLR stivre jiena, Rávná Nystad lea prošeaktajodiheaddji ja Ole Rune Hætta lea redaktevra.

Episodebeskrivelse

Su vuosttaš girji vuvddi nu bures ahte lágádus šattai deaddilit ođđa girjjiid. Saia Stueng lea dál jurddašeamen nuppi girjji birra, seammas go čállá masterbarggu ja bargá oahpaheaddjin. Go galgá vuoiŋŋastit de vuorda dassázii áhkku lea nohkkan, gidde visot uvssaid viesus ja lávlu karaoke.

Saia Stueng
Su vuosttaš girji vuvddi nu bures ahte lágádus šattai deaddilit ođđa girjjiid. Saia Stueng lea dál jurddašeamen nuppi girjji birra, seammas go čállá masterbarggu ja bargá oahpaheaddjin. Go galgá vuoiŋŋastit de vuorda dassázii áhkku lea nohkkan, gidde visot uvssaid viesus ja lávlu karaoke.
Anna-Katri Helander
Anna-Katri Helander lea dánsejeaddji gii justte dál lea bargamen hip-hop čájálmasain mii čájehuvvo Riddu Riđus dán geasi. Moai galggaime hupmat dánsuma birra, muhto Anna-Katri ii leat dušše dánsejeaddji, son lea maiddái áktivistta ja dáiddár, ja dan birra šattai olu sáhka. Moai hupme kolonialismma birra, man dehálaš Youtube lei sutnje nuorran, ja iešheanalaš eallima birra.
Ella Marie Hætta Isaksen
Son lea 20 jagi boaris ja livččii dego riegádan čuožžut lávddis. Son lea teakstačálli ja lávlu ISÁK-joavkkus, geat jagis leat geargan čuojahit Norgga stuorámus lávddiin. Moai hupme dan birra go son ii beassan Sámi Grand Prixii, moai hupme losses áiggiid birra, dalle go balai massimis eatnigielas ja hupme maiddái feminismma birra.
Sofia Jannok
Son máktoštii nu olu ahte vel hirpmastuvai go čálligoađii mátkerehkegiid diimmá jagi ovddas. De mearridii váldit bottu, ja bijai eret buot. Muhto dál son lea vuoiŋŋastan ja bargagoahtán fas. Sofia ja Lisa humaiga movt lea čállit iežas dovdduid birra, dan nu gohččoduvvon A-4 eallima ja ahte ii galgga beroštit olbmuid vuordámušain.
Runar Myrnes Balto
Son lei nuorran emo, guldalii The Cure ja sus ledje guhkes vuovttat. Juoga mainna son dál heahpanaddá. Odne son lea maratonviehkki, Sámediggepolitihkkár ja dán jagáš LHBT-olmmoš. Runar Myrnes Balto lea nai Lisa skuvlaviellja, muhto dan son gal ii oba muittege.
Amanda Kernell
Regissør Amanda Kernell har vunnet priser over hele verden for sin første langfilm, Sameblod. Hun besøkte Kautokeino i vinter og var innom Lisa der de pratet om året som har gått, om det å virkelig elske det man gjør, om å gå fra å jobbe 70 timer i uka, til å ikke kunne se på en skjerm i 6 måneder, og om den kvelden da hennes film ble historisk.
Nils Rune Utsi
Nils Rune ”Slincraze” Utsis ii leat goassige leamašan dábálaš bargu. Son lea ráppen dan rájes go lei 14-jahkásaš. Dál son lea 27 jagi boaris ja lohká agi dovdot alddis. Son gáfestalai Lisain maŋŋá beassážiid ja humadeigga movt musihkain sáhttá oažžut olbmuid hupmat, movt servvodahkii váikkuhit, #metoo ja rávásnuvvama birra.
Liv Inger Somby - Journalistihkka váimmus
Eallinagi lea bargan journalistan, muhto dán áigge Liv Inger Somby mátkkošta miehtá Sámi, ja logaldallá eará sámi nissoniid birra geaid lea jearahallan 80-logus. Su mielas leat dat muitalusat maid gullá Sámis dehálaččat, ja seamma gal lea journalistihkkage. Podcastas son muitala mánnávuođa birra, ja movt dat manai dalle go heittii skuvllas ja njuikii mielkebiilla fárrui eatnis lusa. Son muitala manne sámi journalisttat leat dehálaččat, ja veahá das movt lei dalle go eattui dáčča tv-hoavddaide.
Niillas Holmberg
19-jahkásažžan imaštalai gosa eallima dáfus lea jođus. Dál go lea deavdán 27, de dovdá iežas boarráseabbon go lea. Niillas Holmberg lea fárren Ohcejohkii, ja orru ávdin dálus, beana dušše skibirin. Doppe son dál bargá ođđa skearruin ja girječállimiin. Dán podcastas gulat su muitaleame Ellos Deatnu-akšuvnna ja iežas sáŋggára Bob Dylana birra.
Elle Márjá Eira
Son lea johtán miehtá máilmmi musihkainis, vaikko ii leat dássážii almmuhan ii ovttage skearru. Elle Marja Eira muitala iežas mánnávuođa ja giellahástalusaid birra, ja movt dalle lei go mearridii bargagoahtit musihkain ja filmmain. Ja dan ahte vuollánit, dat ii gula su lundui.

Gáfestallan Lisain

Saia Stueng

Seriebeskrivelse

Episodebeskrivelse

Saia Stueng

Anna-Katri Helander

Ella Marie Hætta Isaksen

Sofia Jannok

Runar Myrnes Balto

Amanda Kernell

Nils Rune Utsi

Liv Inger Somby - Journalistihkka váimmus

Niillas Holmberg

Elle Márjá Eira