Eallima mohkit
Sáhttá leat váttis rahpasit muitalit mii oaivvis jorrá. Dán podkásttas NRK Sámi journalisttat deaivvadit olbmuiguin, geat rahpasit muitalit makkár hástalusat sis leat eallimis. Dáinna sii rahpet tábuaid uvssaid. Podkástta redaktevra lea Ole Rune Hætta, Rávná Nystad lea proseaktajodiheaddji.
Moraš ja váillaheapmi (5:5)
17.12.2018 • 33 min
Dassá leat 20 jagi go Wenche ja Lena báziiga eatni haga. Ja dál go juovllat lahkonišgohtet, de muittašeaba sudno. Soai eaba leat guhkes áigái humadan movt lei eatni haga báhcit. Ja fuomášeaba man buorre dat lea juogadit muittuid ja jurdagiid nuppiin, gii diehtá juste movt dat lea. Boahtte episoda Eallima mohkit -ráiddus almmuhuvvo ođđajagimánus 2019.